Link açıqlığı

Saatnıñ esas haberi

Ukraina ve dünyada qırımtatar sürgünliginiñ qurbanlarını añalar


Bazarertesi künü, mayıs 18 – Qırımdan qırımtatar halqı sürgünliginiñ qurbanlarını hatıra künü. Bugün Ukraina ve tışında bu facianıñ 71 yıllığına bağışlanğan bir sıra hatıra tedbiri keçirilecektir.

Şu künleri Kiyev, Harkov, Herson, Lviv ve diger şeerlerde de bu kibi tedbirler keçirildi.

Bazar künü hatıra tedbirleri Almaniya, Poloniya, Çehiya, Romaniya, Türkiye ve diger memleketlerde keçirilgen edi.

Ukraina prezidentiniñ Facebook saifesinde SaveCrimeanTatars #QirimSurgunu hashtagi ile fotoresim aşkâr etildi.

Sürgünlik qurbanlarıñ hatırasını añmaq ve qırımtatarlarğa qol tutmaq maqsadı ile çetelde Ukraina elçihaneleri ve Ukraina Tış işler Nazirligi de içtimaiy ağlarda bu mevzuda resimlerni paylaştı.

Maydanda sürgünlik hatırasına çıraqlarnı yaqtılar
Bekleñiz, lütfen

No media source currently available

0:00 0:01:40 0:00

Aqmescitte qırımtatarlarnıñ çoqusı akimiyet tarafından azırlanılğan ve qırımtatar halqınıñ sürgünligine bağışlanğan tedbirlerde iştirak etmekten vazgeçtiler. Şu cümleden mayıs 17 künü keçirilgen «Yüregiñde ateş yaq» aktsiyası vaqtında Nazirler şurası binası üzerinde seyirciler ateş kürrelerini kördi. Böylece, akimiyet tarafından azırlanılğan tedbirde iştirak etmegenler 1944 senesi sürgünlik qurbanlarınıñ hatırasını añdılar.

Er sene Qırımda sürgünlik yıllığı munasebeti ile kütleviy tedbirler, şu cümleden Aqmescit merkezinde matem mitingi keçirile edi. Amma Rusiyeniñ Qırımnı zapt etkeninden soñ Aqmescit merkezinde bu kibi tedbirlerni keçirmege yasaq ettiler.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG