Link açıqlığı

Mayıs 18-de saat 11-den saat 13-ke qadar Twitterde qırımtatarlarğa qoltutuv aktsiyası ötkerilecek. Twitter qullanıcıları qırımtatarlarğa qoltutuv birdemlik aktsiyasına qoşula bileler. Bunı aktsiyanıñ teşkilâtçıları «Tsentr UA», Krım SOS.yu «Çesno» cemaat areketi bildireler.

Faaller yarımada işğalinden soñ Qırımda olğan qıyın vaziyet aqqında hatırlattılar.

«Bu sene işğal akimiyet daa beterini yaptı ve barışıq toplaşuvlar aqqını sıñırlap, Aqmescitte keçirilecek olğan qırımtatar sürgünligi yıllığına bağışlanğan aktsiyanı yasaq etti. Bu vaziyette Ukraina vatandaşları bunıñ kibi şaraitlerde qalğan semetdeşlerine qoltutmaq kerekler», – dep qayd eteler aktsiyanıñ teşkilâtçıları.

Qullanıcılarğa Twitter saifesini qullanıp, #SaveCrimeanTatars # QirimSurgunu hashtagleri ile mesac yazmağa teklif etile.

Qırımda Aqmescitniñ Rusiye şeer memuriyeti Qırımtatar Milliy Meclisine sürgünlik yıllığına bağışlanğan matem mitingini keçirmege resmiy şekilde yasaq etti. Qırım akimiyeti sürgünlik qurbanlarınıñ hatıra kününiñ «yañı formatını» belgiledi. Meclisniñ bir sıra vekili mayıs 18 aktsiyalarınıñ keçirilmesi yasaq olğanı aqqında tenbi aldı.

Qırım işğalinden evel sürgünlik yıllığında Aqmescitte Bütünqırım matem mitingi keçirile edi, tedbirde onlarnen biñ insan iştirak ete edi.

Kiyevde qırımtatar halqı sürgünliginiñ qurbanlarını añma tedbirleri mayıs 14-te başlaycaq. Ukrainanıñ diger şeerleri, Varşava, Berlinde ve Türkiyede de qırımtatarlarğa qoltutv aktsiyaları keçirilecektir.

XS
SM
MD
LG