Link açıqlığı

Mayıs 16-da saba Aqmescitte Qırım faali, Qırımdaki Ukrain medeniyet eviniñ azası Veldar Şukurciyevni Qırımnıñ Rusiye içki işler nazirliginiñ ekstremizm ile küreş merkezine davet ettiler.

Bunı o Facebookta yazdı.

Faalniñ aytqanına köre, saba onıñ maşinasını blok etip, celpnameni berdile. Vesiqada aytıla ki, onı cumaertesi künü saba saat 9-da qayd etilgen idarede «subet keçirilmesi ve kelgen arizada berilgen malümat boyunca yazma şekilde añlatması içün» bekleyler.

Qırımnıñ uquq qoruyıcıları bunıñnen bağlı bir de bir resmiy izaatlar bermediler.

Veldar Şukurciyev mart 9-da T.Şevçenkonı añma tedbirinde yaqalanğan faallerden biridir.

Mayıs 16-da o sürgünlik qurbanlarını añmaq içün Çatırdağ töpesine çıqacaq edi.

XS
SM
MD
LG