Link açıqlığı

«Radio Promin» qırımtatar icracıları ile yañı leyhağa başlay


Mayıs 18-de Qırımtatar halqı sürgünliginiñ qurbanlarını añma kününde «Radio Promin» qırımtatar halqınıñ muzıkasını taqdim etecek «Yırlar memleketi. Qırım» («Strana Pesen. Krım») leyhasına başlaycaq. Bunı radionıñ közeticisi Dmitriy İvanov Qırım.Aqiqatqa bildirdi.

Onıñ aytqanına köre, yayında Camala, Enver İzmaylov, Elzara Batalova kibi belli qırımtatar icracılarınıñ eserleri yanğıracaq, em de keniş cemaat bilmegen adlar olacaq.

Şu cümleden – Aysel Baliç Aliye Yakubova, Reana Tarkova, Evelina, «Stazis» taqımı, «Alfa Leo», «Faeton», «Shatur Gudur», Asan Hayretdinov, Nariman Baliç ve DJ Bebek.

«Yırlar memleketi.Qırım» leyhası mayıs 18-de saat 12.10-da «Radio Promin» radiosında «Radiopress» yayını çerçivesinde taqdim etilecek. Matbuat konferentsiyasında «Shatur Gudur» rok-taqımınıñ çalğıcıları Suleyman ve Cemil Mamutov iştirak etecekler, em de Camala telefon vastasınen olarğa qoşulacaq.

«Radio Promin» radio diñleyicilerine radionıñ Facebook saifesinde çalğıcılarğa sual bermege teklif ete. Matbuat konferentsiyasınıñ audio- ve videoyayınlavı canlı yayında «Radio Promin» internet saifesinden, em de Cemaat radio yayınınıñ ekinci kanalındaki «Radio Promin» ağında olacaq.

XS
SM
MD
LG