Qırım cenk yollarınen azat etilmemeli, – dep ayttı qırımtatar halqınıñ lideri, Ukraina prezidentiniñ qırımtatar halqı işlerinden vekâletlisi Mustafa Cemilev mayıs 14-te «Qırım işğali – işğal yıllığı» mevzulı muzakerede. Tedbir Taras Şevçenko adına Kiyev milliy universitetinde keçirildi, – dep haber ete Qırım.Aqiqat mühbiri.
«Özek obyektleriniñ tamiri, kerekli malzemeler zavodlarınıñ tamiri aqqında malümat mevcut. Bunıñ içün bu bütün dünya içün bir faciağa çevirile bile. Bundan ğayrı, Ukraina tarafından ücüm başlasa, Ukraina tarafına qoltuta ya da qoltutmağanlarına baqmayıp, ilk zarar körgen qırımtatarlar olacaq», – dep qayd etti Mustafa Cemilev.
Onıñ aytqanına köre, yarımadada yaşağan qırımtatarlar zorluqlar çeke. Mustafa Cemilev Qırımnıñ şimdiki vaziyetini keçken asırnıñ 50-nci yılları ile qıyasladı.
«O vaqıt farqlı fikirler içün apiske alğan ediler. Amma standart bir qabaat bar edi. Şimdi ise adamlar ğayıp ola», – dep añlattı Cemilev.
Tedbirde «Krım SOS» leyhasınıñ koordinatorı Tamila Taşeva, Qırımtatar halqınıñ aq-uquqlarını qorçalav komitetiniñ koordinatorı Sinaver Kadırov, Türkiye Cumhuriyeti, Yaponiya, AQŞ, Frenkistan ve Avstriya vekilleri iştirak ettiler.
