Link açıqlığı

Logvinskiy: Qırımtatar sürgünligi kününi Ukrainada devlet seviyesinde qayd etecekler


Halq deputatı Georgiy Logvinskiy

Ukrainada qırımtatar halqı sürgünliginiñ qurbanlarını devlet seviyesinde añcaqlar. Böyle bir qarar cumaaqşamı künü, mayıs 14-te, Yuqarı Radada qabul etildi, – dep bildire halq deputatı Georgiy Logvinskiy, haber ete Qırım.Aqiqat.

Onıñ aytqanına köre, Logvinskiy azırlağan qarar leyhasınıñ maqsadı – Yuqarı Radanıñ «2015 senesi hatıra ve yubiley künleriniñ qayd etilmesi aqqında» qararına mayıs 18 qırımtatar sürgünliginiñ qurbanlarını devlet seviyesinde añmaq kerekligini qoşmaqtır.

«200 biñden ziyade qırımtatarı 71 yıl evelsi sovetler akimiyeti tarafından Qırımdan sürgün etilgen edi. Üç kün içinde. İnsaniyetlikke uymağan şaraitlerde. Ayvanlarnı kibi yüklediler ve çıqardılar. Birde üçü – elâk oldı. Açlıq, suvuq, infektsiyalar, dayanılmaz şaraitlerden öldiler. Qadın, bala, qartlar bar edi. Bu vaqıt olarnıñ erkekleri Qızıl Ordunıñ erkânında millet mensüpligine baqmadan, barışıq ve kelecegimiz içün faşist zaptçıları ile cenkleştiler. Bizler beraber işğalciler ile küreştik, şimdi de beraber küreşemiz. Bizler hatırlay ve añamız», – dep ayttı halq deputatı Georgiy Logvinskiy Facebook saifesinde.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG