Link açıqlığı

Yaltada mayıs 14-te Kapinin adına şeer bağçasında, qırımtatar halqı sürgünliginiñ qurbanları abidesinden beş metr mesafede, soqaq gimnastikasanıñ küç ve akrobatik meşğuliyetler içün meydançıqnı tantanalı sürette açtılar.

Sport meydançığınıñ açılışında Yalta memuriyetiniñ yolbaşçısı Andrey Rostenko muavinlerinen beraber iştirak etti, – dep haber ete Qırım.Aqiqatnıñ mühbiri.

Andrey Rostenkonıñ aytqanına köre, bu meydançıq şeer memuriyetiniñ sayesinde degil, «içtimaiy ceetten mesüliyetli iş adamlarınıñ» yardımı ile açıldı».

«Men leyha ve qurucılıqta iştirak etmedim, yalıñız nezaret ettim. Men leyhanı baqtım, iş ketişatını közettim, bazı meselelerde yardım ettim. Bugün mında – musafirim. Meydançıqnı yapqanlar onı taqdim etecekler. Bu leyhanı ömürge keçirgenlerge teşekkür bildirmek isteyim: «Naş Dvor» şirketiniñ reberi Aleksey Dmitruşkinge ve «Yedinaya Rossiya» Bütünrusiye siyasiy firqasınıñ yerli bölük reberi Anton Tihomirovğa. Olar şeerimizge bunıñ kibi güzel obyektni ediye etmek imkânını taptılar», – dep ayttı Andrey Rostenko.

Aleksey Dmitruşkinniñ aytqanına köre, olarnıñ planlarında – meydançıqnı kenişletmek, çünki şimdi er keske yer yetmey.

XS
SM
MD
LG