Qırımtatar Milliy Meclisiniñ reisi Refat Çubarov cuma künü, mayıs 15-te, Yuqarı Radada halq deputatı olaraq Ukraina sadıqlığına ant etecek. Bunı Çubarov Facebook saifesinde yazdı. Cumaaqşamı künü, mayıs 14-te, oña halq deputatnıñ vaqtınca şeadetnamesi berildi.
«Merkeziy saylav komissiyasınıñ toplaşuvı. Halq deputatınıñ vaqtınca şeadetnamesini aldım, daimiy ant etkenimden soñ berilecek. Demek, yarın saat 10-da Ukraina Yuqarı Radasında», – dep ayttı o.
Qırım.Aqiqat bildirgeni kibi, aprel 2-de Petro Poroşenko Blokunıñ halq deputatı Stepan Barna Ternopol vilâyetiniñ reisi oldı, parlamentte boşalğan yerni Qırımtatar Milliy Meclisiniñ reisi Refat Çubarov almaq kerek.
Qırımtatar Milliy Meclisiniñ reisi Refat Çubarov Petro Poroşenkonıñ Blokunda 71-inci yerde buluna.
