Ukrain rejissöri Kseniya Cornonıñ (Jornokley) «Qırım» vesiqalı filmini mayıs 18-de Cannesta taqdim etecekler. Mayıs 13-te Cannesta 68-inci kinofestivaliniñ resmiy açılışı olıp keçti.
Bunı film rejissöri Qırım.Aqiqatqa bildirdi.
Onıñ malümatına köre, film Short Film Corner leyhası çerçivesinde kösterilecek. Levhada – qırımtatarlarnıñ üç nesili bar – 70 yıl evelsi sürgünlikni körgenler, qaytqanlar ve Qırımda doğğanlar.
Rejissör Qırım.Aqiqatqa qayd etkeni kibi, film mütehassıslarğa kösterilecek, böyle etip levhanı telekanallarda DVD ve diger vastalar ile kösterecek distributerni tapacaq olalar.
Rejissör Kseniya Cornonıñ (Jornokley) «Qırım» filmi birinci halqara mukâfatqa nail oldı – Houstondeki kinofestivalde Bronze Remi Award mukâfatını aldı.
Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.
Qırım işğalinden evel sürgünlik yıllığında Aqmescitte Bütünqırım matem mitingi keçirile edi, tedbirde onlarnen biñ insan iştirak ete edi.
Qırım akimiyeti sürgünlik qurbanlarınıñ hatıra kününiñ «yañı formatını» belgiledi.
