Link açıqlığı

Köçip kelgenler yañı yaşağan yerinde qayd olmasalar, yerli saylavlarda rey beremezler, bu qararğa Yuqarı Rada fraktsiyalarınıñ çoqusı qoltuta, – dep ayttı halq deputatı Oleg Lavrik Radio Svoboda efirinde.

«Şimdi parlament saylavları, prezident saylavları, referendum olsa edi, elbet de, köçip kelgenlerniñ bunıñ kibi saylavlarda iştirak etmek aqqı olur edi. Bizler cemaat şekillenmesi aqqında aytsaq, fraktsiyalarnıñ ekseriyeti bunıñ kibi insanlar cemaat azası statusını almağanına qadar yerli saylavlarda iştirak etemeycegine qoltuta», – dep ayttı Lavrik.

Cemaat azası statusını almaq – yaşağan yerinde qayd olmaqtır, – dep añlattı o.

Al-azırda yerli saylavlar aqqında yañı qanun azırlana. Lavrikniñ aytqanına köre, onı parlamentte kelecek afta qayd ete bileler, iyünniñ başında ise qabul etecekler.

Ukraina içtimaiy siyaset nazirligi mayıs 6-da bildirdi ki, Donbass ve Qırımdan million eki yüz biñ insan evini terk etmege mecbur oldı.

Video: Radio Svoboda online

XS
SM
MD
LG