Link açıqlığı

Saatnıñ esas haberi

Ukrain mekteplerinde qırımtatar sürgünligi aqqında yekâne hatıra dersini keçirecekler


Ukraina tasil ve ilim nazirligi oquv yurtlarına 1944 senesi mayıs 18-de başlağan qırımtatar ve diger halqlarnıñ Qırımdan sürgün etilmesiniñ 71 yıllığına bağışlanğan yekâne hatıra dersini keçirmege tevsiye etti.

Tasil idare organlarınıñ bütün oquv yurtları içün bunıñnen bağlı yazma tevsiyeleri mayıs 12-de imzalandı.

Tasil nazirligi Ukraina milliy hatıra institutı azırlağan tarihiy malümat ve yekâne hatıra dersiniñ keçirilmesi boyunca tevsiyeler ile usulşınaslıq malümatlarını bere.

Tasil nazirliginiñ mektübinde mekteplerge oquv yurtları ve tasil idare organlarınıñ saytlarında keçirilecek tedbirlerni faal sürette aydınlatmağa rica etile.

Qırım.Aqiqat bildirgeni kibi, Kiyevde qırımtatar halqı sürgünliginiñ qurbanları hatırasına bağışlanğan tedbirler mayıs 14-te başlanacaq. Qırımtatarlarğa qoltutuv aktsiyaları Varşava ve Berlinde de keçirilecek.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG