Link açıqlığı

Saatnıñ esas haberi

Prokuratura: ukrain ve qırımtatar tilleriniñ mecburiy ögrenmesi Rusiye Anayasasına zıt kele


Qırım prokuraturasınıñ zanınca, yarımada mekteplerinde ukrain ve qırımtatar tilleriniñ mecburiy ögrenmesi Rusiye Anayasasına zıt kele. Böyle etip federal havfsızlıq, milletlerara munasebetler, ekstremizm ve terrorizm ile küreş aqqında qanunlarğa riayet etilmesini nezaret etken yüksek prokuror Valentin Çuprina spiker muavini Remzi İlyasovnıñ «Qırım Cumhuriyetinde tasil aqqında» qanun leyhasına kirsetmege teklif etken tüzetüvler aqqında fikirlerini bildirdi.

Krım Media bildire ki, nezaret hızmetiniñ vekili aytqanına köre, Rusiye Anayasası vatandaşlarnı bir de bir tilni ögrenmege mecbur etmey, amma böyle bir imkân bere.

«Şunıñ içün Qırımda qoşma tiller – ukraince ve qırımtatarcanı, Qırım Cumhuriyetinde devlet tilleri olsa da, er kes ögrenmege mecbur degil. İnsan bunı istese, böyle bir imkân berilmeli. Bu menim anayasa qaidelerine esaslanğan şahsiy fikirim», – dep añlattı Çuprina.

Onıñ bildirgenine köre, İlyasov teklif etken deñişmelerni uquq ceetinden teşkerlmeli.

Qırım tasil, ilim ve gençlik naziriniñ muavini Oksana Krasnikovanıñ fikirince, Qırım parlamenti spiker muavininiñ teklifi federal derecede qabul etilemez.

«Rusiye Federatsiyasında tasil standartı bar, bu sebepten Remzi İlyasovnıñ teklifini Rusiye tasil ve ilim nazirligi begenmezdir», – dep tüşüne nazir muavini.

Malüm olğanı kibi, Qırım Devlet şurasınıñ milletlerara munasebetler komiteti «Qırım Cumhuriyetinde tasil aqqında» qanun leyhasını tasdıqladı. Qanun leyhası ana-babalarnıñ ariza berip, balalar oquycaq tilni saylamaq aqqını köz ögüne ala.

Devlet şurasınıñ reis muavini Remzi İlyasov qanun leyhasını tüzetip, rus tilli devlet ve belediye tasil teşkilâtlarında ukrain ve qırımtatar tilleriniñ ögrenmesini mecburiy yapmağa teklif etti.

XS
SM
MD
LG