«Qırım» fraktsiyalarara gruppasınıñ yolbaşçısı olğan Ukraina halq deputatı Aleksey Gonçarenko bildire ki, Ukraina Nazirler şurası Qırım Muhtar Cumhuriyetiniñ meseleleri boyunca devlet hızmetiniñ reberini tasdıqladı.
Bunı o Facebook saifesinde yazdı.
Amma deputat bu hızmetke artıq «devlet agentligi» dep ayta.
Gonçarenkonıñ qayd etkenine köre, Nazirler şurası keçken sene iyül ayında qabul etken öz qararını yerine ketirdi.
«Nazirler şurası reber olaraq Qırımtatar Milliy Meclisi reisiniñ muavini Aslan Ömer Qırımlını sayladı», – dep yazdı Gonçarenko.
Ukraina Nazirler şurasınıñ saytında bunıñnen bağlı malümat şimdilik yoq. Aslan Ömer Qırımlı telefonını açmay.
Aslan Ömer Qırımlı Qırımnıñ işğalden azat etilmesinen oğraşqan ve andan ketken vatandaşlarnıñ problemlerini al etken yekâne icra akimiyet organı olğan Nazirler şurası yanındaki Qırım ve Aqyar işleriniñ departament yolbaşçısı ola.
Qırımdan mecburen köçip kelgenlerniñ cemaat teşkilâtları Ukraina Baş prokuraturasına Ukraina baş naziri Arseniy Yatsenükni şikâyet etmek istegenini bildirgen ediler. Olar yarımadanıñ işğalden azat etilmesinen oğraşacaq Qırım işleri Devlet hızmeti olmağanından şikâyetçiler.
