Link açıqlığı

Moskvanıñ Lefortovo mahkemesi Rusiyede Qırımda terakt azırlamasında qabaatlanğan Qırım faali Aleksandr Kolçenkonıñ apis cezasını iyül 16-ğa qadar arttırdı, dep bildire «Mediazona».

Neşirniñ malümatına köre, taqiqatçı Artem Burdin apis cezasını arttırmağa muracaat etti, mahkemeci Andrey Motorin muracaatnı qabul etti.

Kolçenko mahkemede cezasını deñiştirip, onı ya ev apsi ya da yaşağan yerinden çıqmamaq arizası ile cezalandırmağa rica etti. O, Ukraina vatandaşı olğanını ayta. Terrorizmde qabaatlanğanını tanımay.

Qırımda faşizmge qarşı küreşken içtimaiy faal Aleksandr Kolçenko 2014 senesi mayıs ayında Aqmescitte apiske alınğan edi. Onı Moskvadaki «Lefortovo» SİZOsına yolladılar. FSB taqiqatçıları onı ve Qırımnıñ daa üç sakinini, şu cümleden ukrain rejissöri Oleg Sentsov, tarihçı Aleksey Çirniy ve adliyeci Gennadiy Afanasyevni terroristik areketler, terakt azırlanması ve silânı qanunsız qullanuvda qabaatlaylar.

Ukrainada Kolçenko ve Sentsovnı siyasiy mabus olaraq tanıp, olarnı azat etmege talap eteler.

Qırım.Aqiqat bildirgeni kibi, Kolçenkonıñ adliyecisi Svetlana Sidorkina bergen malümatına köre, iş 19 tomdan ibaret, faal olarnı ögrene.

XS
SM
MD
LG