Link açıqlığı

Qırım işğali qabul etilemiz, qırımtatarlarnıñ izolâtsiyasına yol bermemek kerek, dep ayttı Türkiyede keçirilgen NATO memleketleri tış işler nazirleriniñ körüşüvini açıp Türkiye baş naziri Ahmet Davutoğlu.

«Qırım halqınıñ çekkenlerini unutmamaq kerekmiz. Rusiyeniñ illegal Qırım işğali qabul etilemez. Qırımtatarlarnen bağ tutmaq ve olarnıñ izolâtsiyasına yol bermemek pek müimdir», – dep ayttı Davutoğlu.

Türkiye ükümetiniñ yolbaşçısı qayd etti ki, «Ukraina zıddiyeti Avropa havfsızlığınıñ ne qadar dağılğan olğanını köstere».

Türkiyeniñ Antalya şeerinde NATO memleketleri tış işler nazirleriniñ sammiti keçirile. Toplaşuv çerçivesinde Ukraina-NATO komissiyasınıñ muşaveresi de keçirilecek, Ukrainanı Tış işler naziri Pavlo Klimkin temsil etecek.

Ğarp Rusiyeniñ Qırım işğalini tanımay.

XS
SM
MD
LG