Amerika Qoşma Ştatlarınıñ devlet kâtibi John Kerry Ukraina şarqında barışıqqa riayet etilmesiniñ müim vaqtı kelgeni aqqında Moskvanı tenbiyeyley.
Türkiyede NATO memleketleri tış işler nazirleriniñ körüşüvinde Kerry dedi ki, al-azırda «Rusiye ve separatistler tarafından Minsk añlaşmalarına riayet etüv boyunca müim vaqıt» keldi.
NATO baş kâtibi Jens Stoltenberg bildirdi ki, Rusiye Donbassta separatistlerge yardım etmemeli ve Ukraina şarqından ordularını çıqarmalı.
Türkiyeniñ Antalya şeerinde eki künlik körüşüvde Ukraina buhranını ve Yaqın Şarqta, şu cümleden Suriye ve İraqtaki vaziyetni muzakere eteler.
Kerry mayıs 12-de Soçide Rusiye prezidenti Vladimir Putin ve Rusiye Tış işler naziri Sergey Lavrov ile Ukraina vaziyetini muzakere etti.
AQŞ, Avropa Birligi ve Ukraina Rusiyeni Donbassta separatistlerge silâ bergeninde ve adamlarnı yollağanında qabaatlay. Moskva bu qabaatlarnı red tip, Ukraina şarqında «göñülliler» cenkleşkenini bildire.
