Link açıqlığı

Ukrainanıñ milliy tarih müzeyi mayıs 16-dan 17-ge keçer gecesi qapularını açıp, er kesni «Qırımtatar gecesi» ekskursiyasına davet ete.

Bu aqqında müzeyniñ Facebooktaki resmiy saifesinde aytıla.

İlânda aytılğanı kibi, işbu tedbir «Halqara müzeyler kününe» bağışlana.

Müzeydeki gecede soqaq muzıkasınıñ festivali, çıraqlar ile gece kezintileri, ananeviy oyun ve ustalar ile subetler, hazine qıdıruvı keçirilecek, müzey binalarında tañ atması beklenilecek.

Musafirlerni qırımtatar dostlarından tatlılar bekley, dep aytıla ilânda.

Müzey tedbirlerine yer az, bu sebepten biletlerni evelden satmağa başladılar. Ekskursiya fiyatları ve bilet sımarışı aqqında malümatnı Kiyevde bu telefon boyunca almaq mümkün: (044) 2786545.

Malüm olğanı kibi, Qırımtatar halqı sürgünliginiñ qurbanları hatırasına bağışlanğan esas tedbirler Kiyevde mayıs 14-te başlanacaq. Aqmescitniñ Rusiye şeer memuriyeti Qırımtatar Milliy Meclisine sürgünlik yıllığına bağışlanğan matem mitingini keçirmege resmiy şekilde yasaq etti.

XS
SM
MD
LG