Moskvada politsiya Rusiyede apiste bulunğan Ukraina halq deputatı Nadejda Savçenkoğa qoltutuv aktsiyasınıñ iştirakçilerini yaqalamağa başladı, dep haber ete Radio Svoboda.
Bundan ğayrı, «Ukrainskaya pravda» ve «Grani.Ru» öz mühbirleriniñ yaqalanması aqqında bildireler.
«Ukrainskaya pravda» bildire ki, Savçenko bulunğan «Matrosskaya tişina» SİZOsınıñ yanında keçirilgen aktsiyada daa beş iştirakçi yaqalandı.
«Grani.Ru» jurnalist Filipp Kireyevniñ yaqalanması aqqında haber eteler.
Jurnalistler iç bir şiarnı seslendirmegenlerini ve yaqalav sebeplerini añlamağanlarını aytalar.
Moskva politsiyası vaziyetni şimdilik izaatlamadı.
Mayıs 11-de dünyanıñ bir çoq farqlı memleketinde faaller 329 künden berli Rusiyede apiste bulunğan ukrain uçucısı Nadejda Savçenkonıñ doğğan künü munasebetinen tedbirler keçireler.
