Avgust 1-den 9-ğa itibaren Aqmeçit rayonınıñ Qara Acı köyünde (Olenevka) «Extreme Qırım 2015» ekstremal sport çeşitleriniñ halqara festivali keçirilecektir. Bu aqqında Qırım Nazirler şurasınıñ resmiy saytında derc etilgen qarar leyhasında aytıla, dep yaza Krım Media.
Vesiqa Qırımnıñ şimdiki ükümetiniñ toplaşuvında mayıs 12-de qabul etile bile.
Tedbir azırlaması ve keçirilmesi boyunca teşkiliy komitetniñ yolbaşçısı Sergey Aksenov olacaqtır. Festival yerli bücetten maliye etilecek.
Qırımnıñ içki siyaseti, malümat ve alâqa nazirligine «Extreme Qırım 2015» üslübiniñ azırlamasını, onıñ stsenariyi, kontsert programması ve animatsion tedbirlerniñ keçirilmesini buyura bileler. Aynı vaqıtta Kurort ve turizm nazirligi festival musafirleri içün «Aqmescit» ava limanı yolu boyunca gidlerniñ işini temin etmek kerek.
Teşkilâtçılarnıñ malümatına köre, festival programmasında kaytserfing, vindserfing, dayving, dertcamping, akvabayk, sleklayn, skimbording, deñizaltı av kibi sport çeşitleri boyunca yarışlar keçirilecek. Bundan ğayrı, roller ve skeyterlerniñ yarışı ötkerilecektir.
Dj Vag ve MC Scream (South Dj's) festivalniñ muzıkasını baqacaqlar.
Hatırlatamız, sabıq Mustaqil devletler ittifağında er yıllıq «Kazantin» gençler elektron muzıkasınıñ halqara festivali 2013 senesine qadar Qırımda keçirile edi. Lâkin yarımada işğalinden soñ festival Qırımnı terk etti ve 2014 senesi Gürcistanda keçirildi.
