Link açıqlığı

Saatnıñ esas haberi

#FreeSavchenko aktsiyası bütün dünyada keçirilecek


Mayıs 11-de dünyanıñ bir çoq memleketinde faaller ukrain uçucısı, Yuqarı Rada deputatı Nadejda Savçenkonıñ doğğan künü munasebeti ile tedbirlerni teşkil etecekler. Nadejdanıñ 34-ünci doğğan künü onıñ azatlıqtan marum qalğanınıñ 329-ıncı künü olacaq. Bunı Radio Svoboda yaza.

#FreeSavchenko aktsiyasınıñ iştirakçileri Kiyevniñ merkezinde em Savçenko, em de Rusiyede ukrain siyasiy mabuslarını azat etmege talap etecekler.

«Mayıs 11-de saat 12:00 Maydanda Kiy, Şçek ve Horiv abidesi yanında beyaz balonlarnen toplaşamız. Balonlarda markernen #FreeSavchenko ve Rusiyede ukrain mabuslarına nisbeten diger talaplarını yazarmız», – dep bildireler aktsiyanıñ teşkilâtçıları Facebook saifesinde.

Olarnıñ aytqanına köre, bunıñ kibi çağıruvlar çetel ukrainler arasında da tarqaldı.

Nadejda Savçenkonıñ adliyecisi Mark Feygin bunıñ kibi aktsiya Moskvada da keçirilecegine ümüt ete.

Rusiyede Savçenkonı Ukraina şarqında Rusiye jurnalistleriniñ ölümine alâqası olğanında ve sıñırnı qanunsız keçüvde qabaatlaylar. O, bütün qabaatlarnı red ete.

XS
SM
MD
LG