Link açıqlığı

Saatnıñ esas haberi

Akimiyet Bağçasaraydaki qırımtatar qavehanesini işini toqtatmağa mecbur etti


Bağçasaraydaki «Musafir» qırımtatar qavehanesi
Bağçasaraydaki «Musafir» qırımtatar qavehanesi

Bağçasarayda mayıs 11-den itibaren «Musafir» qırımtatar qavehanesi işini toqtata. Bu aqqında qavehaneniñ Facebook saifesinde aytıla.

«Qıymetli musafirlerimiz, «Musafir» qavehanesiniñ memuriyeti 11.05.2015 tarihinden itibaren işimiz toqtatılğanını bildirmek mecbur... – aytıla beyanatta. – Siziñ içün çalışmağa ne qadar ıntılsaq da, «yañı Qırımnıñ» prokuraturası ve mahkemeleri işimizni qanunsız olaraq tanıdılar... Kederlenemiz, çünki musafirlerimiz özüni raat is etsin dep köstergen ğayretimizge qıymet kesilmedi...».

Qullanıcılar qavehane işi toqtatılğanını ögrenip açuvlandılar. Haber altındaki tefsirlerde bunıñnen bağlı fikirlerini bildirdiler:

«Yıqmaq qurmaq degil» qanunı çalışmaqta, Bağçasarayda eñ eyi qavehanelerden birini, atta Qırımda eñ eyilerden birini qapatmaq cinayettir!».

«Yazıqlar olsun! Qırımdaki eñ eyi restoran siziñki edi. Ümüt etemiz ki, bütün «akimiyet» bizim vaqtınca olğan qıyınlıqlarımızdır!!!».

«O qadar güzel qavehane. Anda er vaqıt turist çoq ve yemekler lezzetli ola edi. Farqlı millet temsilcileri çalışalar. Kederlenemiz! Hadimler sağ olsun, spasibo, dâkuyu, thank you very much».

Qırımtatar halqınıñ aq-uquqlarını qorçalav komitetiniñ koordinatorı, Meclis azası Eskender Bariyev Qırımda qırımtatar iş adamlarınıñ ticaret noqtalarını ateşke bermege başladılar, dep bildirgen edi.

XS
SM
MD
LG