Link açıqlığı

Nepalda yüz bergen zelzeleniñ qurbanı 8000 kişi oldı, dep bildireler memleketniñ akimiyet vekilleri.

Bu malümatlarğa köre, mayıs 10-da saba 8019 insan ölü sayıla, 16 biñden ziyade kişi yaralandı, dep haber ete Radio Svoboda.

Nepal qızıl haçı 8413 insan elâk olğanını ve 17576 insan zarar körgenini bildire, lâkin akimiyet bu haberni tasdıqlamay.

7,9 magnitudalı yer teprenüvi Nepalda aprel 25-te yüz berdi. Ondan soñra 3,2 ve 6,9 magnitudalı tahminen 90 zelzele qayd etildi.

Yer teprenüvi ealisi 20 mln insan olğan memlekette 288 biñ mesken evini yoq etti, 254 biñ evge zarar ketirdi.

XS
SM
MD
LG