Link açıqlığı

Yedi Quyu rayonınıñ Oysul köyünde (Ostanino) mayıs 8-de qırımtatar istihbaratçısı Alime Abdennanovanıñ eykeli açıldı. Yerli mektepke qaramannıñ adı berildi, bina kirişinde onıñ adına hatıra tahtası tiklendi.

Bunı Qırımtatar Milliy Meclisiniñ matbuat hızmeti bildire.

Matbuat hızmetiniñ malümatına köre, Yedi Quyu rayonında Alime Abdennanovanıñ şan-şüretine eki abide bar. Keçken sene 1988 senesi tiklengen eykel yerine yañısını qoydılar. Eski abideni tüzetip, Oysul köyünde tiklediler.

Cemaatçılar qayd eteler ki, qırımtatarlar sürgünlikten qaytmağa başlağan soñ tiklengen ilk abidelerden biri bu edi.

Abide ve hatıra tahtasınıñ açılışında yerli sakinler, mektep talebeleri ve Meclis vekilleri iştirak ettiler.

Alime Abdennanova Ayrı Deñiz ordusı istihbarat taqımınıñ istihbaratçı-rezidenti olğan edi. Köstergen qaramanlığı içün Qızıl Bayraq unvanına nail oldı. 19 yaşında Alime Abdennanova Eski Qırımda gestapo (gizli devlet politsiyası) azaplarını çekti, 1944 senesi aprel 5-te ise Aqmescit apishanesiniñ azbarında qurşunğa tizilgen edi.

Rusiye prezidentiniñ 2014 senesi sentâbr 1-de çıqqan buyruğına köre, istihbaratçığa «faşist işğalciler ile küreşte kösterilgen cesaret ve qaramanlığı içün» Rusiye Federatsiyasınıñ Qaramanı unvanı ölüminden soñ berildi.

XS
SM
MD
LG