Link açıqlığı

Ukraina prezidenti Petro Poroşenko cumaertesi künü Ekinci cian cenkinde ğalebeniñ 70 yıllığı munasebetinen keçirilgen tantanalı merasimlerde iştirak ete. Kiyevniñ Şan-şüret bağçasında devlet yolbaşçısı Belgisiz askerniñ mezarına çeçekler qoydı.

Tedbirler planında Petro Poroşenkonıñ Ukraina prezidenitiniñ ayrı polku ve Ukraina Silâlı quvetleriniñ Baş ştabınıñ 101-inci qoruv brigadası askerleriniñ arbiy ant sözlerini qabul etüvi bar. Tedbir Kiyevdeki Ulu Vatan cenki Milliy tarih müzeyinde keçirile.

Ğalebeniñ 70 yıllığı ile bağlı tantanalı merasimler cumaertesi künü Ukrainanıñ farqlı şeerlerinde keçirilecek. Tünevin ukrainler Hatıra ve barışuv kününi qayd ettiler.

Farqlı malümatlarğa köre, Ukraina Ekinci cian cenkinde 8-den 10 millionğa qadar insannı ğayıp etti. Ukrainler em sovet ordusı, em de Gitlerge qarşı koalitsiyasınıñ diger memleketleriniñ ordularında cenkleştiler. Bundan ğayrı, bir qaç yüz ukrain qarşılıq areketi sıralarında cenk areketlerinde iştirak etken edi.

XS
SM
MD
LG