Link açıqlığı

Qırımtatarlarnıñ milliy lideri Mustafa Cemilevniñ fikrine köre, Qırımnıñ Rusiye akimiyeti Aqmescitte mayıs 18-de Sürgünlik Künü mitingniñ keçirilmesine imkân bеrmemek içün imkân qıdıra.

Bunı o Qırım.Aqiqatqa bildirdi.

O şunı bildirdi ki, şimdi mitingniñ keçirilmesine Aqmescit akimiyetiniñ resmiy red etüvi daa yoq.

«Olar (Qırım akimiyetiniñ vekilleri – muar.) Mustafa Cemilev ve digerlerniñ mayıs 18 künü tariklerni azırlaycağı aqqında tarif etmekteler. Red etmek içün bir sebep, öyle de olacaqtır, ğaliba», – dedi qırımtatarlarnıñ yetekçisi.

Mayıs 5-te Qırımtatar Milliy Meclisi Aqmescitniñ şeer memuriyetine 1944 senesi mayıs 18 künü qırımtatar halqı genotsidiniñ qurbanlarınıñ hatırasına matem mitinginiñ keçirilmesi aqqında haber etkenini bildirgen edi.

Keçken sene ananeviy matem mitinginiñ Aqmescit merkezinde keçirilmesi yasaq etilgen edi

Evel Qırım ükümetiniñ baş nazir muavini Ruslan Balbek mayıs 18 künü arfesinde Qırım akimiyeti ve uquq qoruyıcı organları «ukrain siyasetçileri, qırımtatarlarnıñ yetekçileri Mustafa Cemilev ve Refat Çubarov tarafından azırlanılğan kütleviy tarikler aqta malümatnı elde etkenini» bildirdi.

Qırım prokurorı Natalya Poklonskaya yarımаdanıñ uquq qoruyıcıları «mayıs 18 künü qırımtatar halqınıñ sürgünligi yıllığı ile bağlı olğan tariklerniñ ögüni almağa tırışacağı» aqta bildirdi

XS
SM
MD
LG