Link açıqlığı

Aqmescitte İosif Stalinge hatıra tahtasınıñ qoyuluvı – Stalin zamanı sovet rejiminiñ Qırımğa qaytarılmasınıñ delilidir, dey qırımtatarlarnıñ milliy yetekçisi, Ukraina prezidentiniñ qırımtatar halqınıñ işlerinden vekâletlisi Mustafa Cemilev.

Bunı o Qırım.Aqiqatqa bildirdi.

«Şimdi şeer merkezinde turğan Leninniñ yerine Stalinni qoymağa doğru olur edi. Çünki anda stalinizm qayttı, sovet akimiyetiniñ stalin yılları ve o (hatıra tahtası – muar.), kerçekten de, anda olğanını temsil ete», – dey Cemilev.

Onıñ fikrine köre, şimdi Qırımda sovet akimiyetiniñ 50-nci yılları tekrarlanmaqta.

«Sorğu, tintüvler – Stalin zamanında olğanı kibi», – dey Cemilev ve Qırımda Rusiye akimiyetiniñ bu kibi aretekleri dünyağa yarımadanıñ aqiqiy alını köstеrgenini qayd ete.

«Bizge işğal etilgen territoriyada ne olğanını köstermege yardım eteler. Biz aytamız, tarif etemiz, amma Avropada bizge inanmağanlar bar, bu adım ise bizim ikâyelerimizni tasdiqlay», – dedy Cemilev.

Bunıñ ile qırımtatarlarnıñ milliy yetekçisi Sovet Birliginiñ taqdiri aqqında hatırlattı.

Aqmescitte mayıs 8 künü Rusiye Federatsiyasınıñ Kommunistler Firqası Qırım cumhuriyet komitetiniñ vekilleri İosif Stalinge hatıra tahtasını qoydılar.

XS
SM
MD
LG