Link açıqlığı

Qırımda yaqalanğan Qırımtatar Milliy Meclisiniñ reis muavini Ahtem Çiygoznı mayıs 8 künü adiy kamerağa keçirdiler. Bu sebepten o açlığını toqtattı.

Bunı Çiygoznıñ avdokatı Aleskandr Lisovoyğa esaslanıp, Meclis matbuat hızmeti bildire.

Adliyeciniñ sözlerine köre, Çiygoznıñ sağlığı eyidir, kamera şaraitleri de olğanından biraz eyileşti.

Qırımda cezalarnıñ amelge keçirüv federal hızmetinde Çiygoznıñ kamerağa keçirilmesi aqta bir şey bildirilmey.

Çiygoznı 2015 senesi yanvar ayında 2014 senesi fevral 26 künü «kütleviy çatışmalarnıñ teşkil etilmesi ve iştirak etmesinde» şeklep, taqiqat çerçivesinde yaqaladılar. Çiygoznı 2015 senesi fevral 19-ğa qadar apiske aldılar, soñra da bu müddetni mayıs 19-ğa qadar arttırdılar.

Çarşenbe künü, mayıs 6-da, Qırımtatar Milliy Meclisi reisiniñ birinci muavini Nariman Celâl bildirdi ki, Qırımda Aqmescit SİZOsında bulunğan Qırımtatar Milliy Meclisi reisiniñ muavini Ahtem Çiygoznı kartserge attılar.

Mecliste deyler ki, böyleliknen Çiygozğa basqı etip, kerek olğan şaatlıqnı elde etmege isteyler.

XS
SM
MD
LG