Link açıqlığı

Qırımtatar Milliy Meclisi BMT ile şimdi Rusiye nezareti altında olğan Qırımğa halqara nezaret eyyetlerine irişimini temin etmek içün imkân qıdıra.

Bunı RBK-Ukrainağa Meclis reisi Refat Çubarov bildirdi.

«Biz şimdi BMT institutları ile, şu cümleden İvan Şimanoviç ile (insan aqları boyunca BMT baş kâtibiniñ muavini), Viktoriya Tauli-Korpus (tamır halqlarınıñ aqları boyunca BMT baş kâtibiniñ mahsus maruzacısı) ile Qırımda vaziyetni daimiy sürette nezaret etecek halqara eyyetniñ bulumasına uquqiy yollarnı qıdıramız. BMT faaliyetiniñ uquqiy amelinde işğalci-akimiyetniñ razılığı olmağan taqdirde anda BMT strukturalarınıñ bulunması aqta maddeler yazılmağan», – dey Çubarov.

Onıñ sözlerine köre, Rusiye Federatsiyası Qırımnıñ Rusiyege qoşulması halqara toplulığı tarafından tanılsa, tek o vaqıt buña musaadesini bermege razı eken.

Rusiyede bunı şimdilik daa izaatlamadılar.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler. 2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı.

Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar. Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG