Link açıqlığı

Qırım ve Donbasstan köçip kelgenlerniñ muvafaqiyetli biznes-leyhaları aqqında tarif etken proekt başlandı


«KrımSOS» cemaat teşebbüsi «Restart» leyhasını başladı. Mında Qırım ve Ukraina şarqından köçip kelgenlerniñ muvafaqiyetli ikâyeleri tarif etile.

Qırım.Aqiqatqa bilidirilgeni kibi, Qırım ve Donbasstan köçip kelgenlerniñ endi beş biznes-ikâyesi toplanıldı. Leyha iştirakçileri – Ukrainada qaçaqlarnıñ işleri boyunca BMT Agentligi Regoinal Temsilciliginiñ bizneske destek grantlarınıñ ğalipleri oldı.

«Qaramanlardan er biri öz işini açmağa ğayeleriniñ peyda olması, yañı şaraitlerde biznesniñ qıyınlıqları ve kelecekke olğan planları aqta tarif etti. İşbu ikâyeler ilham ve işanç bere», – deyler leyha teşebbüsçileri.

Al-azırda «KrımSOS» saytında 3 biznes-ikâye bar: «Malenka kav’ârnâ» qavehanesi (Kiyev şeeri), «Disneyka» bala event-agentligi (Kiyev şeeri), «The Room» dizayn studiyası (Lutsk şeeri).

Ukraina İçtimaiy siyaset Naziriliginiñ malümatına köre, memlekette Qırım ve Donbasstan 1 262 400 köçip kelgen insan bar.

KrımSOS – 2014 senesi fevral 27-de Rusiye Federatsiyasınıñ Qırım Muhtar Cumhuriyeti işğaliniñ başlanmasında göñülliler tarafından meydanğa ketirildi. KrımSOS Ukrainada Birleşken Milletler Teşkilâtınıñ Qaçaqlar meseleleri boyunca Yuqarı Komissarı idaresiniñ icra ortağı ola. KrımSOS Qırım ve şarqiy regionlarda mecburen köçip kelgen insanlarğa yardım ete, em de Qırımdaki vaqialar aqqında malümat bermekte.

XS
SM
MD
LG