Link açıqlığı

Ukraina Avropa memleketleri ile bir sırada mayıs 8 künü Hatıra ve barışuv kününi qayd ete.

İşbu tarih Ukraina prezidentiniñ «2015 senesi Avropada natsizm üzerinde ğalebeniñ 70 yıllığı ve Ekinci cian cenki bitmesiniñ 70 yıllığınıñ qayd etüvi aqqında» fermanı ile belgilendi.

Ukraina Yuqarı Şurası natsizm ile küreşkenlerni añmaq içün toplaşacaq. Toplaşuvda Qızıl ordu, milliy-qurtarıcı areket saflarında cenkleşken veteranlar iştirak etecek.

Ukraina cenk neticesinde büyük zarar kördi. Arbiy areket vaqtında ve esirde 3-4 million arbiy, işğal ve açlıqtan 4-5 million sakin elâk oldı, bir beş million insan mecburiy sürette Almaniya ve Rusiyege tahliye etildi, bir qısmı vatanğa qayttı.

Hatıra ve barışuv kününiñ timsali qırmızı haşhaş oldı.

Ekinci cian cenki qurbanlarını bütün dünyada añalar. BMT baş assambleyası 2004 senesi qabul etken rezolütsiyasında mayıs 8 ve 9 künlerini Hatıra ve barışuv künü olaraq ilân etti.

XS
SM
MD
LG