Qırım prokurorı Natalya Poklonskaya yarımаdanıñ uquq qoruyıcıları «mayıs 18 künü qırımtatar halqınıñ sürgünligi yıllığı ile bağlı olğan tariklerniñ ögüni almağa tırışacağı» aqta bildirdi. Bunı mayıs 7 künü RİA Krım bildirdi.
Evel Qırım ükümetiniñ baş nazir muavini Ruslan Balbek mayıs 18 künü arfesinde Qırım akimiyeti ve uquq qoruyıcı organları «ukrain siyasetçileri, qırımtatarlarnıñ yetekçileri Mustafa Cemilev ve Refat Çubarov tarafından azırlanılğan kütleviy tarikler aqta malümatnı elde etkenini» bildirdi.
«Uquq qoruyıcı organlarımız er şeyni nezaret altında tuta. İç bir tarik yüz bermez. Biri yapmağa istese de, becermez, buña Qırımda izin bermemiz», – dedi Poklonskaya.
Mayıs 5-te Qırımtatar Milliy Meclisi Aqmescitniñ şeer memuriyetine 1944 senesi mayıs 18 künü qırımtatar halqı genotsidiniñ qurbanlarınıñ hatırasına matem mitinginiñ keçirilmesi aqqında haber etkenini bildirgen edi.
Keçken senes ananeviy matem mitinginiñ Aqmescit merkezinde keçirilmesi yasaq etilgen edi.
