Link açıqlığı

Bu sene baarde Qırımdan Rusiye Federatsiyasınıñ Silâlı quvetlerine 400 insan çağırılacaq, küzde ise – 2500 biñden ziyade. Bunı Qırım baş nazir muavini Mihail Şeremet mayıs 7 künü bildirdi.

Qırım ükümetiniñ matbuat hızmeti bildirgeni kibi, şimdi arbiy komissarlıq binasında «miqyaslı tamir işleri» keçirile.

«Yigirmi yıl devamında arbiy komissarlıqta rekonstruktsiya degil de, atta adiy tamir işleri keçirilmey edi. Arbiy komissar Anatoliy Maloletkoğa gençlerimizni qabul etmek istegi ve ıntıluvı içün minnetdarlığımnı bildirem. Em de bizim yaşlarımız büyük istek ile Rusiye Federatsiyasınıñ silâlı quvetlerine qoşula», – dey Mihail Şeremet.

Qırımnıñ arbiy komissarı Anatoliy Maloletko arbiy komissarlıqta ilk nevbette turğan tamir işleriniñ bitkeni aqqında bildirdi.

Malüm ki, Rusiyede aprel 1-den yaşlarnı orduğa çağırmağa başladılar. Bu sene Rusiye ordusına Qırım sakinleri de çağırıla.

XS
SM
MD
LG