Ukraina halq deputatı Georgiy Logvinskiy bildire ki, Ukraina havfsızlıq hızmeti onıñ arizası esasında Ukraina ve ICAO (International Civil Aviation Organization) Qırımğa ve Qırımdan ava seferlerini işğalden sebep yasaq etken soñ kerkeçleştirilgen Aqmescit-İstanbul ava seferleri boyunca cinaiy taqiqatqa başladı.
Ukraina havfsızlıq hızmetiniñ bunıñnen bağlı cevabını Logvinskiy Facebook saifesinde yerleştirdi.
Onıñ bildirgenine köre, bu ava seferlerini kerçekleştirgen ava şirketi ve bu reyslerniñ reklamasını yapqan turistik şirketlerni cezalar bekley. Yolcularnı da mesüliyetke çekecekler, dep qayd etti deputat.
Logvinskiy qayd etken ava şirketleriniñ cevabı daa yoq.
2014 senesi mart ayında yarımada Rusiye tarafından işğal etilgen soñ Ukraina ükümeti Qırım ava limanlarını qapattı. Anda kerçekleştirilgen er angi ava seferi Ukraina qanunını ve halqara qaidelerni boza, ve bu sebepten ava şirketleri Ukraina ve ICAO tarafından halqara seviyede cezalana bile.
Al-azırda yalıñız Rusiye ava şirketleri Qırımğa ava seferlerini kerçekleştire. İyül ayında Qırımnıñ Rusiye akimiyeti ilân etken ava seferi Aqmescitten Türkiyege yol aldı, lâkin Anapada endi. Türkiye ava limanında Aqmescit olmasın dep, anda bagaj ğayrıdan qayd etildi.
«Groznıy Avia» ava şirketi avgust 11-de «Aqmescit-İstanbul» ava seferini kerçekleştirdi.
