Ukraina Mudafaa nazirliginiñ İl-76 uçağı Nepaldan mayıs 7-de saat 4-te kelip, Kiyevde Borispol yanındaki arbiy uçaq alanında endi. Uçaqta 75 ukrain, 11 kişi diger memleketniñ vatandaşı bar edi – Poloniya, Frenkistan, Gürcistan ve Rusiye.
«35 vatandaş Ukrainağa öz imkânlarınen qayttı, 21 vatandaş Nepalda qaldı, bu adamlar tahliye etilmekten vazgeçtiler, daa 46 kişi bağğa çıqmağanlarnıñ cedvelinde qalalar», – dep bildirdi Ukraina Tış işler nazirliginiñ vekili Yevgen Perebiynis.
Radio Svoboda mühbiri bildire ki, Devlet hızmetiniñ fevqulâde vaziyetler meseleleri boyunca reis vazifelerini eda etken Zorân Şkirâk Nepalğa «raatlanmaq içün degil, adamlarnı qurtarmaq içün» barğanını ve er bir areketni añlatmağa azır olğanını ayttı.
Aprel 25-te Nepalda yüz bergen yer teprenüviniñ qurbanı yedi buçuq biñden ziyade insan oldı, 14 000 insan zarar kördi.
