Link açıqlığı

«Acele yardımnıñ» ekimleri Nadejda Savçenkonı mahkeme zalına qaytardılar


Nadejda Savçenko, 2015 senesi mayıs 6 künü

Moskvada ukrain arbiyi Nadejda Savçenko mahkeme zalına qaytarıldı. Mayıs 6-da Basman mahkemesine kelgen «acele yardım» ekimleri bildirdiler ki, Nadejda Savçenko mahkemede iştirak ete bile. Böylece mahkeme Savçenkonıñ apis cezasını arttırmaq muracaatını baqmağa devam etti.

Mahkemeci Natalya Muşnikova ekimlerniñ Nadejda Savçenkonıñ alı aqqında bildirgenlerini ilân etti.

Nadejda Savçenko yaramağan soñ Moskvanıñ Basman mahkemesi «acele yardımnı» çağırğan edi.

Nadejda Savçenko keçken seneniñ iyül ayından itibaren Rusiye apishanesinde buluna. O, qabaatını red etip, separatistler tarafından esir alınğanını ve Ukrainadan Rusiyege qanunsız alda çıqarılğanını bildire.

Oktâbr 26-da olıp keçken Ukraina Yuqarı Radasınıñ nevbetten tış saylavlarında Savçenko «Batkivşçına» firqasınıñ cedvelinde birinci yerde edi ve sekizinci çağırılış Ukraina parlamentiniñ halq deputatı olaraq saylandı. Rada onı PACE eyyetiniñ erkânına kirsetti.

Mart 16-da ukrain uçucısı SİZOda açlıqqa tekrar başladı.

XS
SM
MD
LG