Aqmescitniñ merkeziy soqaqlarında mayıs 8-9 künleri bayram tedbirleriniñ keçirilmesi planlaştırıla. Bundan sebep Qırım paytahtında naqliyat areketini sıñırlaycaqlar.
Bu aqqında Qırımnıñ Rusiye GİBDD saytında bildireler.
Berilgen malümatqa köre, mayıs 8-de areket saat 9-dan saat 15-ke qadar, cumaertesi künü, mayıs 9-da saat 7-den saat 23-ke qadar Kirov caddesi, Sevastopolskaya soq., Çehov soq., Sergeyev-Tsenskiy soq., Gogol soq., Krılov soq., Samokiş soqağında sıñırlanacaq.
Qırımnıñ Rusiye ükümeti bildire ki, mayıs 9-da Aqmescitte «Ğalebeden Zaferge qadar» teatr yürüş paradınıñ keçirilmesi planlaştırıla. Veteranlar Daimiy ateşke qadar yürecekler ve bir sıra diger merasimniñ ötkerilmesi beklenilmekte.
