Frenkistannıñ Tış işler naziri Laurent Fabius Moskvağa Ekinci cian cenkinde ğalebeniñ 70 yıllığı munasebeti ile keçirilecek tedbirlerge kelmek niyeti aqqında bildirdi.
Bunı o «Yevropa – 1» radiostantsiyası efirindе aytqan edi.
Fabiusnıñ sözlerine köre, o, Qızıl meydanında keçirilecek paradda iştirak etmeycek, amma gülçemberlerni qoyuv tedbirine qoşulacaqtır. Evel belli olğanı kibi, Frenkistan prezidenti Fransua Ноllandе mayıs 9 künü Rusiye paytahtına kelmeycek.
Dünya liderlerinden çoqusı Rusiyeniñ Qırım işğali ve Ukraina şarqında olğan buhranındaki rolü sebebinenden Moskvağa mayıs 9 künü kelmege razı olmadı.
Beklenilgeni kibi, mayıs 9 künü Qızıl meydanından 16 biñ arbiy hızmetçi keçecek, arbiy tehnika, şu cümleden «Koalitsiya-SV» yañı arbiy maşinaları ve T-14 «Armata» tankları taqdim etilecek.
