«Kalançak» nezaret noqtasında mayıs 5 künü Herson bölüginiñ sıñır bekçileri ve gümrük hadimleri Qırımdan çıqqan yük maşinasında büyük miqdarda aqçanı taptı.
Bunı Ukraina Devlet sıñır hızmetiniñ matbuat hızmeti bildire.
Müessiseniñ malümatına köre, aydavcınıñ oturğıçı astında 500 biñden ziyade grivna saqlı edi. Sıñır hızmetinde aytılğanı kibi, aqça Ukraina qanuniyetiniñ bozuluvı ile çıqarlğanı sebebeinden, para tutıp alındı.
2014 senesi mart ayında Rusiye Qırımnı işğal etken soñ qıtaiy Ukraina ve yarımada arasında memuriy, asılında ise – tam bir sıñır peyda oldı. Qırım vaqtınca işğal etilgen yer olaraq ilân etildi.
2014 senesiniñ soñunda Ukraina akimiyeti Qırım ile naqliyat alâqalarını toqtattı. Qıtağa barmaq içün yarımada sakinleri ya şahsiy naqliyattan, ya da taşımacılarnıñ hızmetinden faydalanmağa mecburlar.
