Devlet hainliginde şeklengen Qırım Yuqarı Şurasınıñ sabıq deputatı Vasiliy Ganışnıñ itriz arizası boyunca mahkeme toplaşuvı mayıs 12-ne planlaştırıla.
Bunı Qırım.Aqiqatqa sabıq deputatnıñ advokatı Andrey Rudenko bildirdi.
Onıñ malümatına köre, mahkeme toplaşuvı saat 16:00 keçirilecek. Avdokat şunı hatırlattı ki, itiraz arizizasında sabıq deputat taqiqat vaqtında Belaya Tserkov şeerinde yaşağan tuvğanlarında bulunmasına ve Kiyev hastahanesinde tedavilenüvine izin soray.
Qırım.Aqiqat bildirgeni kibi, Kiyevniñ Peçersk rayon mahkemesi devlet hainliginde şeklengen sabıq Qırım deputatı Vasiliy Ganışnıñ cezasını belgiledi – eki aylıq apis cezası. Ganış iyün 25 kününe qadar apiste oturacaq
Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıkışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.
