Qırım mekteplerinde ukrain tilli oqutuvı ile sınıflarnıñ sayısı qısqartıla, haber etile Ukraina Yuqarı Şurasınıñ İnsan aqları boyunca er yıllıq maruzasında.
Vesiqada qayd etilgeni kibi, Qırım territoriyasında şimdi ukrain tilli oqutuvı ile oquv yurtlarınıñ sayısı ep qısqartıla, yarımadada yaşağan balalarnıñ devlet tilini ögrenmek aqqı sıñırlana.
«2013-2014 seneleri umumtasil mekteplerinde ukrain tilini 162,7 biñ bala ögrengen olsa, 2014-2015 seneleri – 39,1 biñ bala, dört qat azlaştı», – denile maruzada.
Ombudsmenniñ malümatına köre, Qırımda ukrain tilli mekteplerniñ sayısı da azlaşa.
Evel Qırım Rusiye ükümetiniñ tasil naziri Natalya Gonçarova yarımadanıñ 20 mektebinde ukrain tilli oqutuvı ile sınıf bar olğanı aqta bildirgen edi.
