Link açıqlığı

Saatnıñ esas haberi

Deputat: qıtada Qırım parlamentiniñ olması içün Herson vilâyeti sayesinde QMC sıñırlarını keñişletmek kerek


Qıtaiy Ukraina territoriyasında qanuniy Qırım parlamentiniñ olmasını 2014 senesi Rusiye tarafından işğal etilgen Qırım Muhtar Cumhuriyetine Herson vilâyeti bir qısmınıñ qoşulması ile yapmaq mümkün. Böyleliknen, işbu organ Ukraina nezareti altında olğan territoriуаnı idare ete bilecek, dep tüşüne Ukraina halq deputatı Georgiy Logvinskiy («Narodnıy front» firqası)

«Amma böyle alda Anayasağa deñişüvler kirsetilecek, çünki Anayasa Qırım sıñırlarını belgiley. Soñra ise daa üç qanun çıqarıcı maddege deñişüvlerni kirsetmege kerek olur. Qolay vazife degil, amma olması mümkündir. Esası, ölü bir organ olmasın», – dey deputat.

İşğalden soñ yarıdmadada Rusiye akimiyeti strukturalarında çalışqan Qırım siyasetçileri qıtaiy Ukrainada QMC parlamentiniñ olmasına menfiy munasebette bulundılar. Qırım Devlet şurası deputatı Sergey Şuvaynikov işbu ğayeni ukrain deputatlarınıñ «hasta hayalları» olaraq adladı.

«Aq ve serbestligi Qırım ile sıñrınlanmay. Neni istese, onı baqa bileler. Saylavlarnı Amerikanıñ bir ştatında, Tehasta, ya da Kanadada keçirsinler. Anda referendumnı teşkil etsinler. Aqqıdır, başqa işleri yoqtır», – dey Şuvaynikov Qırım.Aqiqatqa.

Evel Qırım Muhtar Cumhuriyetine Herson vilâyeti bir qısmınıñ qoşulması aqta Qırımtatar Milliy Meclisiniñ reisi Refat Çubarov aytqan edi.

XS
SM
MD
LG