Rusiye işğalci akimiyeti tarafından Qırımda keçirilgen Hıdırlezde qırımtatar milliy ruhu yerine özbek «sovetleriniñ izleri» oldı, dep tüşüne Qırımtatar Milliy Meclisiniñ reisi Refat Çubarov. Bunı o Facebookta yazdı.
«Asılında, keçken yılları olğan bayramnıñ renksiz kalkası, qırımtatar milliy ruhu olmadı... Amma «sovok» çoq, şu cümleden ital özbek <...> Esas sananı donatqanda qırımtatar milliy timsallerini tamamen alıp taşladılar», – dep qayd etti Çubarov.
Onıñ yazğanına köre, qırımtatar iş adamlarını «Hıdırlezde» ticaret noqtalarını tiklemege zorlamağa tırıştılar.
«Qırımdan kelgen soñki malümatlarğa köre, işğalci akimiyet teşkil etken «Hıdırlez» «bayramında» eñ ziyade 5-6 biñ kişini topladılar», – dep qayd etti Çubarov.
Refat Çubarovnıñ aytqanlarını «Argumentı nedeli-Krım» neşiriniñ jurnalistleri çıqarğan video tasdıqlay.
Refat Çubarov adamlar istemeyip bayramğa kelgenini bildirgen edi – Qırım ükümeti devlet müessiseleriniñ hadimlerini Hıdırlezde iştirak etmege mecbur etti.
Aprel 18-de Bağçasaray regional meclisiniñ toplaşuvında Qırımnıñ şimdiki akimiyeti tarafından Hıdırlez qırımtatar milliy bayramı munasebetinen keçirilgen tedbirlerde iştirak etmemek qararı qabul etilgen edi.
Qırımtatar Milliy Meclisi Qırımda akimiyetniñ Hıdırlezine barmamağa çağırdı.
