Link açıqlığı

Saatnıñ esas haberi

Ukraina Nazirler Şurası işğal etilgen Qırımnıñ deñiz limanlarını halqara limanlar cedvelinden çıqardı


Ukraina Nazirler şurası işğal etilgen Qırımda yerleşken deñiz limanları çetel gemileri içün açıq limanlar cedvelinden silindi.

Böyle bir qarar Nazirler şurasınıñ saytında derc etildi.

Vesiqağa binaen, cedvelden «Aqyar», «Kezlev», «Yalta», «Kefe» ve «Keriç» limanları çıqarıldı.

2014 senesi iyül 16-dan itibaren Ukraina ükümeti Qırım limanlarınıñ işini resmiy şekilde toqtattı, çetel gemilerine Yalta, Keriç, Aqyar, Kefe ve Kezlev deñiz ticaret limanlarına kirmege yasaq etildi. Bundan ğayrı, Ukraina halqara gemiler içün Qırım limanlarınıñ qapatılması aqqında bildirdi.

2014 senesi dekabr ayında Avropa şirketlerine Qırımda turistik hızmetlerni köstermege, 2014 senesi mart ayında Rusiyeniñ Qırım işğali sebebinden kruiz gemilerine yarımada limanlarına kirmege yasaq etildi.

XS
SM
MD
LG