Türkiye prezidenti Recep Tayip Erdoğan mayıs 9 künü Moskvağa kelmeycek. Bunı Türkiye elçihanesinde Rusiye jurnalistlerine bildirdiler.
BBC bildirgeni kibi, ğalebeniñ 70 yıllığına bağışlanğan tantanalı tedbirlerde memleketni Moskvadaki Türkiye elçisi temsil etecek.
Erdoğannıñ bu qararınıñ sebepleri belgisiz, evel Türkiye prezidenti mayıs 9 künü ziyaretiniñ ola bilecegini red etmey edi.
Qırım.Aqiqat saytı bildirgeni kibi, yaqında Erivanda Osmanlı devletinde ermenilerniñ kütleviy öldürüvi hatırasına keçirilgen tedbirlerde Vladimir Putin «insaniyetlik tarihında eñ qorqunçlı facialarından birini yaşağan halqqa özi taziyelerini» bildirgen edi.
Bundan soñ Türkiye prezidenti Recep Tayip Erdoğan «Rusiye başta Ukrainadaki areketlerini añlatmaq, soñra ise 1915 senesi Osmanlı devletinde ermenilerniñ türkler tarafından öldürilmesini genotsid olaraq adlamaq» kerek olğanını aytqan edi.
