Link açıqlığı

Saatnıñ esas haberi

Kommunistler Aqmescitte Stalinge hatıra tahtasını qoyacaq olalar


Aqyar, RFKP yerli bölügi mitinginde Stalin plakatı
Aqyar, RFKP yerli bölügi mitinginde Stalin plakatı

Aqmescitte İosif Stalinge hatıra tahtasını qoyacaqlar. Bu kibi teşebbüs RF Kommunistik Partiyasınıñ Qırım bölügine ait. Hatıra tahtası Rusiye Federatsiyasınıñ Qırım cumhuriyet komitetiniñ binası ögünde yerleştirilecek. Tantanalı açılış tedbiri mayıs 8 kününe planlaştırıla, – haber ete «Krım Media» saytı.

RF Kommunistik Partiyasınıñ Qırım bölüginiñ birinci kâtibi Оleg Solomahin aytqanı kibi, hatıra tahtası İosif Stalinniñ Aqmescitke 1945 senesi fevral 4-11 künleri Yalta konferetsiyasına kelgenine bağışlanacaqtır.

Şusı meraqlı ki, evel Qırım kommunistlerine bu kibi tahtanı qoymağa izin berilmegen edi, olar yañı yerni qıdırmağa mecbur oldılar.

Qırımda, Yalta civarındaki Livadiya sarayı yanında fevral 5 künü 1945 senesi Yalta añlaşmalarını qabul etken SSCB, AQŞ ve Büyük Britaniya yolbaşçıları Stalin, Churchill, Rooseveltniñ abidesi açıldı.

Zurab Tsereteli Rusiye eykeltraşnıñ Yalta konferentsiyasınıñ 70 yıllığı munasebeti ile 10 tonnalıq abidesini açtılar.

Tenqitçilerniñ fikrine köre, qırımtatarlarnıñ toprağında Stalinge abide qoymaq – ahlâqsızlıqtır, çünki 1944 senesi Stalin halqlarnıñ sürgünligi aqqında emir çıqarğan edi.

XS
SM
MD
LG