Link açıqlığı

Qırımtatar halqınıñ sürgünligi 71 yıllığına mayıs 18 künü Ukraina Haber siyaseti Nazirligi mahsus içtimaiy kampaniyanı azırlay.

Bunı haber siyaseti naziriniñ Qırım meseleleri boyunca keñeşçisi Sergiy Kostınskıy Kiyevde mayıs 5 künü keçirilgen birifingde bildirdi.

«Mayıs ayında qırımtatar halqınıñ sürgünligi 71 yıllığına biz mahsus içtimaiy kapmaniyanı azırlaymız. Serlevası – «Mayıs 18 künü epimiz – qırımtatarlarmız». Kampaniya tış rekalama aletleri ile matbuat, radio ve televideniyede keçirilecek», – dedi Kostınskıy.

Sürgünlik qurbanları hatıra Kününe bağışlanğan bediiy tedbirler çerçivesinde – Rustem Eminovnıñ «Sürgünlik» toplamından eserleriniñ sergisi ve Taras Şevçenko adına Opera ve balet milliy akademik teatrinde «Unutma» leyhası kösterilecek, Ukraina milliy tarih müzeyinde fotoresim sergisi ve memleket boyunca «Haytarma» filmi kösterilecek.

Mayıs 18 künü Mustaqillik Meydanında qırımtatar halqınıñ sürgünligi qurbanları hatırasına mitingniñ keçirilmesi planlaştırıla.

Mayıs 18 künü – Qırımdan qırımtatar halqınıñ sürgünligi qurbanlarınıñ hatıra künüdir. Bu künü 1944 senesi Orta Asiyağa yarımadadan qırımtatarlarnıñ ilk eşelonı yollanıldı.

Qırım işğalinden evel Aqmescitte sürgünlik yıllığına er sene Bütünqırım matem mitingi keçirile edi. Mında on biñlerce insan iştirak ete edi.

XS
SM
MD
LG