Ukraina Haber siyaseti Naziri Yuriy Stets Qırım jurnalisti ve «Qırım.Aqiqat» saytınıñ muarriri Gennadiy Mihayliçenkonıñ ölümi sebebinden taziyelerini bildire.
«Ölümi yalıñız Gennadiy Mihayliçenkonıñ aile, dost ve zenaatdaşları içün degil de, Qırım ve, umumen, bütün Ukraina içün bir faciadır. Ukraina Haber siyaseti Nazirligi adından ve şahsen özüm merhumnıñ aile, tuvğanları ve zenaatdaşlarına taziyelerimni bildirem», – dedi Yurіy Stets.
«Epimiz aqiqiy insannı ve öz memleketi ve istidatına sadıq qalğan Qırım vatanperverini ğayıp etik. Gennadiy Mihayliçenkonıñ ölümi pek is etile, çünki kerçek Qırım jurnalistikası yalıñız mütehassıslarnıñ tar dairesi sayesinde saqlanıldı», – dedi Sergіy Kоstinskiy, Nazirniniñ Qırım haber siyaseti meseleleri boyunca keñeşçisi.
Gennadiy Mihayliçenko mayıs 3 künü, Kiyevde qaza netiсеsinde elâk oldı.
Gennadiy Mihayliçenko Aqmescit devlet universitetini bitirdi. Qırım İçki işler nazirliginiñ institutında ve Qırım müendis-pedagogik universiteteinde oca olaraq çalışa edi. Jurnalist, «Qırım içün onlayn ukrain tili» leyhasınıñ reberi. Bıltır, yarımdanıñ işğalinden soñ ömür-arqadaşı ve üç balası ile Kiyevge köçti.
Gennadiyniñ ekinci qızı – Hrıstına Mihayliçenko – yaqında Felemenkte keçirilgen pianinocılar yarışında ğalebe qazandı ve Ukraina prezidenti Petro Poroşenkonıñ qolundan biometrik pasportını elde etken yekâne bala oldı.
Gennadiy Mihayliçenkonıñ cenazesi mayıs 6-nа planlaştırıla.
