Link açıqlığı

Ukrainanıñ qıtaiy qısmında devlet hainliginde şeklenip yaqalanğan Qırım Yuqarı Şurasınıñ sabıq deputatı Vasiliy Ganış qırımtatar milliy areketiniñ temsilcileri ve uquq qorçalayıcılarğa oña yardım etmek muracaatında buluna.

Bunı Qırım.Aqiqat mühbirine advokatı Andrey Rudenko bildire

«İnsanlarnıñ cedevli bar. Onı aşkâr etip olamam, olarnen bağlanmaq kerekim. Onıñ qırımtatarlar ve uquq qoruyıcılarğa muracaatı bar, çoqusına şahsen yardım etken edi, şimdi olarnıñ yardımına muhtac», – dey Rudenko.

Advokatnıñ sözlerine köre, şimdilik Ganış Lukyanovsk SİZOsında buluna. Rudenkonıñ sözlerine köre, bulunğan şaraitleri güzeldir.

«Müşterimniñ yürek ağırları bar, gecelernen ava yetişmey. Şimdi onıñ ile SİZOda körüştim. Biraz azdı, em çırayı da yoq», – dedi Rudenko.

O şunı da qayd etti ki, Ganış endi mahkemeniñ eki aylıq apis cezası aqta qararına itiraz aizasını taqdim etken eken. Mütenasip şikâyetni mayıs 5 künü advokatnıñ özü de berecek ola. İtiraz metninde sabıq deputat taqiqat vaqtında Belaya Tserkov şeerinde yaşağan tuvğanlarında bulunmasına ve Kiyev hastahanesinde tedavilenüvine izin soray.

Qırım.Aqiqat bildirgeni kibi, Kiyevniñ Peçersk rayon mahkemesi devlet hainliginde şeklengen sabıq Qırım deputatı Vasiliy Ganışnıñ cezasını belgiledi – eki aylıq apis cezası. Ganış iyün 25 kününe qadar apiste oturacaq

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıkışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG