Link açıqlığı

Kiyevde işğal etilgen Qırımda Ukraina vatandaşlarınıñ topraq qıyınlıqlarını muzakere etecekler


Ukrainanıñ siyasiy tedqiqler mustaqil merkezi (UNTSPİ) tögerek masanı keçirecek: «Qırımnıñ işğali şaraitlerinde mal-mülk ve topraq meseleleri: aq-uquqlarnıñ qıtlığı».

Tedbir teşkilâtçıları Qırım.Aqiqatqa bildirdi ki, tedbirde UNTSPİ ekspertleri azırlağan «Qoruv ve malümat: Ukraina vatandaşlarınıñ Qırımdaki içtimaiy ve siyasiy aq-uquqlarınıñ qıtlığı» analitik esabatı taqdim etilecek. Esabat Birleşken Milletler teşkilâtınıñ İnkişaf programmasınıñ yardımı ile azırlandı. Tedqiqte tasil, vatandaşlar ile problemler saaları ve mal-mülk ve topraq meseleleri qayd etildi.

«Rusiye Qırım ve Aqyarnı işğal etken soñ semetdeşlerimiz oğrağan vaziyetler, kerçek ikâyeler esasında esabat malümatları toplandı», – dep qayd ete merkez.

Tögerek masa mayıs 7-de saat 14-te Kiyevdeki B.Hmelnitskiy soq., 8/16 adresi boyunca «Ukrinform» haber agentliginiñ binasında keçirilecektir.

Bundan evel berilgen malümatqa köre, qırımlılar keçken seneniñ avgust ayından itibaren Rusiye qanunlarına köre vesiqalarnı qabul etmege başlağan soñ Devlet cedveline «ücüm eteler». 2015 senesi mart ayında da çoq adam bar edi. Soñra Ukraina vesiqaları tanıla, dep ayttılar, meskenni satqan olsañ, o vaqıt ğayrıdan qayd eteceksiñ. Lâkin nevbetler eksilmedi.

XS
SM
MD
LG