Qırımtatar Milliy Meclis reisi Refat Çubarov qırımtatarlarnıñ milliy yetekçisi Mustafa Cemilevniñ yürek tutuşqanı aqqında haberniñ yañlış olğanını bildirdi.
«Oña telefon etip, muqaytlıqnen sorayım: «Yahşısıñmı, ağa?». O dey: «İşte, Oldrih ile aqşam yemegine ketemiz, qoşul». Oña twitterde çeşit malümat peyda olğanı aqta tarif etim… Mustafa ağa küle: «Bu kibi öşeklerge kelse, demek işleri kerçekten de beş eken…», – yaza Çubarov.
Çubarovnıñ sözlerine köre, «ya bot, ya vatnik»ler twitterde Mustafa ağanıñ ölümi aqqında malümatnı tarqata… Bizge taziyelerini bildireler». Matbuat vastalarından bazıları işbu malümatnı cemaat arasında tarqatmağa aşıqtı.